Saturday, 23 September 2017

ಟಣಕನಕಲ್: ಐ.ಟಿ.ಐ ಕಾಲೇಜಿನಲ್ಲಿ ಅತಿಥಿ ಬೋಧಕರ ಹುದ್ದೆಗಳಿಗೆ ಅರ್ಜಿ ಆಹ್ವಾನ


ಕೊಪ್ಪಳ ಸೆ. 23 (ಕರ್ನಾಟಕ ವಾರ್ತೆ): ಕೊಪ್ಪಳ ತಾಲೂಕಿನ ಟಣಕನಕಲ್ ಸರಕಾರಿ ಕೈಗಾರಿಕ ತರಬೇತಿ ಸಂಸ್ಥೆ (ಐಟಿಐ ಕಾಲೇಜಿನಲ್ಲಿ) ಯಲ್ಲಿ ಪ್ರಸಕ್ತ ಸಾಲಿಗೆ ಐಟಿಐ ವೃತ್ತಿಗಳಲ್ಲಿ ತಾತ್ಕಾಲಿಕವಾಗಿ ಬೋಧನೆ ಮಾಡಲು ಬೋಧಕರು ಬೇಕಾಗಿದ್ದು, ಅರ್ಹರಿಂದ ಅರ್ಜಿ ಆಹ್ವಾನಿಸಲಾಗಿದೆ.  
    ಸಂಸ್ಥೆಯಲ್ಲಿ ಐಟಿಐ ಇನ್ ಎಂ.ಎಂ.ವಿ ಟ್ರೇಡ್ & ಒಂದು ವರ್ಷದ ಅಪ್ರೇಂಟಿಸ್‍ಶಿಪ್ ಟ್ರೈನಿಂಗ್ ಪೂರ್ಣಗೊಳಿಸಿ ಎಲ್.ಎಂ.ಇ ಪರವಾನಿಗೆ ಪಡೆದಿದ್ದು, ಕನಿಷ್ಟ 03 ವರ್ಷಗಳ ಇಂಡಸ್ಟ್ರಿಯಲ್ /ಟೀಚಿಂಗ್ ಅನುಭವ ಹೊಂದಿರಬೇಕು.   ಅಥವಾ ತಾಂತ್ರಿಕ ಶಿಕ್ಷಣ ಮಂಡಳಿಯಿಂದ ಮಾನ್ಯತೆ ಪಡೆದ ಸಂಸ್ಥೆಯಲ್ಲಿ ಡಿಪ್ಲೋಮಾ ಇನ್ ಆಟೋಮೋಬೈಲ್ ಇಂಜಿನಿಯರಿಂಗ್ ವಿದ್ಯಾರ್ಹತೆ, ಎಲ್.ಎಂ.ವಿ ಪರವಾನಿಗೆಯೊಂದಿಗೆ ಕನಿಷ್ಟ 02 ವರ್ಷಗಳ ಇಂಡಸ್ಟ್ರೀಯಲ್/ ಟೀಚಿಂಗ್ ಅನುಭವ ಹೊಂದಿದ ಅಭ್ಯರ್ಥಿಯನ್ನು ಗರಿಷ್ಠ 11 ತಿಂಗಳಿಗೆ ಮಾತ್ರ ಅತಿಥಿ ಬೋಧಕರಾಗಿ ಕಾರ್ಯ ನಿರ್ವಹಿಸಲು ಅರ್ಜಿ ಆಹ್ವಾನಿಸಲಾಗಿದೆ.  ಮೊದಲು ಬಂದವರಿಗೆ ಆದ್ಯತೆ ನೀಡಲಾಗುವುದು.  ಆಸಕ್ತರು ಅರ್ಜಿ ಹಾಗೂ ದಾಖಲಾತಿಗಳೊಂದಿಗೆ ಸರಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ ಟಣಕನಕಲ್, ಕಚೇರಿಯನ್ನು ಸಂಪರ್ಕಿಸಬಹುದಾಗಿದೆ ಎಂದು ಸಂಸ್ಥೆಯ ಪ್ರಾಚಾರ್ಯರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
Post a Comment